ســـردریلی

علم و عرفان اهلینه زیندان کسیلمیش مملکت

بیر زاماندیر کی، قووولموش صحنه‌دن ارباب حال

فیض آلان یوخ شعریمیزدن هر طرف بیر قیل و قال

محترملر دوشدو قیمتدن دنیلر محترم

احتیراسیندان می یازیسن قانلی خاقانین قلم

گول دئییل یئرلرده قاندیر، بیر بیاباندیر چمن

اوغلو اؤلموش بیر قادین زولفوندن اوخشار یاسمن

بولبولون فریادی عشقیندن دئییلدیر ناله‌دیر

قانه دؤنموش سینه‌لردیر چؤلده سانما لاله‌دیر

مین فلاکت وار اؤنونده هر موقدس نیتین

گولمه‌میش روخساری بیر آن مادر حریتین

                                                    "لا ادری"